ជំនួបដោះស្រាយរឿងដីផ្ទះអ្នកបឹងកក់គ្មានបានផល
សាលារាជធានីភ្នំពេញ កាលពីម្សិលមិញ បានជួបពិភាក្សារកដំណោះស្រាយបញ្ចប់វិវាទដីធ្លីជាមួយអតីតប្រជាពលរដ្ឋនៃសហគមន៍ បឹងកក់ ចំនួន ១៤ គ្រួសារ ដែលដីធ្លី ផ្ទះសម្បែង និងច្បារដំណាំពួកគាត់ ស្ថិតក្នុង ភូមិ១ សង្កាត់ស្រះចក ខណ្ឌដូនពេញ ត្រូវបានក្រុមហ៊ុន ស៊ូកាគូអ៊ីន បូមខ្សាច់កប់ពន្លិចនិងរឹបអូសដោយខុសច្បាប់កាលពី ឆ្នាំ២០១០។ ប៉ុន្តែនៅក្នុងជំនួបពិភាក្សារយៈពេលជិតបីម៉ោងនោះ បានធ្វើឲ្យប្រជាពលរដ្ឋមានការខកចិត្តជាខ្លាំង បន្ទាប់ពីលោក អភិបាលរាជធានីភ្នំពេញ ប៉ា សុជាតិវង្ស ប្រកាន់ជំហរយ៉ាងរឹងត្អឹងថា អាជ្ញាធរមានលទ្ធភាពផ្ដល់ដីត្រឹមតែទំហំ ៤ ម៉ែត្រគុណនឹង ១៨ ម៉ែត្រប៉ុណ្ណោះ។ អ្នកស្រី ហុង សុខខេង អាយុ ៤៩ឆ្នាំ ជាតំណាងពលរដ្ឋទាំង ១៤ គ្រួសារ បានប្រាប់ ភ្នំពេញ ប៉ុស្តិ៍ ថា ជំនួបពិភាក្សានោះមិនគ្រាន់តែគ្មានវឌ្ឍនភាពទេ ថែមទាំងធ្វើឲ្យពួកគាត់មានការខកចិត្តជាខ្លាំង។ …
ឃុត សុភចរិយា
http://www.postkhmer.com/national/1-national-news/113329-2014-04-23-03-43-39
